Mechanical Design via SolidWorks

الكورس هيبدأ معاك من الصفر حرفيا .. من اول التعرف على واجهة البرنامج وفهم الفراغ والمستويات .. بعدها ندخل على ادوات الرسم ثنائي الابعاد بادوات بسيطة زي رسم الخطوط والدوائر و المضلعات والكيرفات و غيرها وازاي تقدر تحدد ابعادها بكل دقة وتظبط ابعاد رسمتك والمسافات بين عناصرها المختلفة.

ندخل بعد كدا على مرحلة متقدمة في الرسم ثنائي الابعاد .. ناخد ادوات تعديل اكتر و ناخد مهام متقدمة ونتمرن مع بعض على مجموعة تمارين ورسومات ضمن ملف التمارين اللى مرفوع ضمن الداتا علشان تقدر تتمرن مع نفسك اكتر.

خلصنا التو دي ؟!

ندخل بقى على رسم الاجزاء ثلاثية الابعاد .. واحدة واحدة بدون تعقيدة .. وكل شوية نجرب مع بعض الادوات اللى اتعلمناها علشان نطبق بشكل عملي ونستعين بتمارين مرسومة جاهزة نعيد رسمها .. ونشوف ازاي نقدر نرفع ابعاد رسمة موجودة بالفعل وناخد معلومات فنية عنها وكمان هنتكلم في بعض النقاط اللى بتلازم تفكير مهندس التصميم الميكانيكي.

بعدها ندخل على مرحلة التجميع ونعرف ازاي ممكن نجمع هيكل او ميكانيزم ونحركه ونجرب مع بعض نماذج بسيطة وبعدين نجرب نجمع روبوت ارم وبعدين ندخل في علاقات التجميع المتقدمة علشان نحترف عمليات التجميع.

خلصنا التجميع نرجع تاني للرسم ثلاثي الابعاد ناخد شوية مهام اضافية .. وننهي الكورس بطريقة اخراج اللوحات التنفيذية.

الكورس هتلاقي فيه كل حاجة منظمة .. ومشروح بشكل بسيط مش معقد .. وكل الماتيريال اللى محتاجها علشان تذاكر منها موجودة ..

ومراعي في الشرح انك طول الوقت تحقق تقدم علشان ارفع من معنوياتك ويبقى عندك شغف تكمل .. 
وانا متأكد ان كتير من المتدربين هيقدروا يكملوه في يوم او اتنين لما يلاقوا ان كل حاجة بتحصل بسهولة و فاهمين كويس وعارفين يخرجوا شغل هايل ..
.
شد حيلك يا بطل